Í ljósi þeirrar miklu óvissu sem ríkt hefur í atvinnulífi og efnahag landsins hefur Skatturinn, að höfðu samráði við fjármála- og efnahagsráðuneytið, ákveðið að nýta heimild sína til að beita ekki álagi á vangreiddan virðisaukaskatt sem er á eftirtöldum gjalddögum:
| Gjalddagi | Uppgjörstímabil | Skilamáti |
|---|---|---|
| 5. maí 2020 | Mars 2020 | Almenn mánaðarskil |
| 15. maí 2020 | Apríl 2020 | Aðilar í mánaðarskilum sem hafa verið afskráðir vegna áætlana en skráðir að nýju |
| 5. júní 2020 | Mars-apríl 2020 | Almenn tveggja mánaða skil. |
Af þeim sökum er svigrúm til greiðslu virðisaukaskatts aukið til muna eða í allt að mánuð. Sé virðisaukaskattur ekki greiddur innan mánaðar frá gjalddaga leggjast þó á dráttarvextir frá gjalddaga.